Засолништето во Талин беше отворено на 1 јули 2016, додека самиот објект беше изграден со средствата од граѓаните на градот Талин. Засолништето е управувано од Организацијата за спасување на животните од Естонија Varjupaikade, која ја почнала својата работа во 2007 година и има уште 6 други засолништа, не само во Талин, туку и во Вилјанди, Парну, Валга, Виру, Вируума и Ланемаа.

Главната цел на организацијата е да им помогне на изгубените миленици да си го најдат повторно својот дом и да им најде нов дом на бездомните четириножни пријатели, додека во исто време им овозможува на сите потребен третман, и со тоа го намалува бројот на бездомни животни во Естонија. Организацијата исто така се стреми да го намали бројот на новородени миленици на улиците, не само со стерилизации на животните, туку и со едукација на луѓето за важноста на стерилизацијата, користејќи различни кампањи. Неколку општини и помагаат на организацијата со организирање кампањи за чипување на милениците.

Како и секогаш, секое животно кое доаѓа во засолништето добива антипаразитски третман, се вакцинира и се чипува. Секое вдомено животно исто така, се стерилизира или кастрира. Освен тоа што згрижува мачки и кучиња, членот на Varjupaikade од Талин, згрижува и мали миленици како зајчиња, морски прасиња и други, кои може да се чувствуваат безбедно и како дома во ова засолниште!